Jawa (Nulis Geguritan)

Geguritan yaiku wohing susastra kang basane cekak, mentes lan endah. Geguritan asale saka tembung "gurit", kang ateges kidung utawa tulisan kang awujud tatahan.


Supaya bisa nggawe geguritan sing apik, kita kudu sregep latihan nulis nganti diasilake geguritan sing apik tembung lan isine.
Kanggo miwiti nggawe geguritan coba semaken geguritan sing ana ing kalawanti, koran, utawa buku-buku sing ngemot geguritan.


1. Wujude
    Geguritan lumrahe awujud basa pinathok (bahasa terikat). Ing basa jawa basa pinathok tuladhane akeh  banget kayata: tembang, sesanti, donga, bebasan, japa mantra, rapalan - rapalan, geguritan, parikan, paribasan, saloka, wangsalan, lsp.


2. Purwakanthi (persajakan)
   Purwakanthi yaiku runtute swara, sastra lan basa ing sawijining tembung utawa ukara
a.) Purwakanthi swara yaiku purwakanthi sing runtut swarane (voklae). Lumrahe manggon ing pungkasane  gatra.


Tuladha:
- Kembang menur ditandur ing pinggir sumur
- Para siswa tresna marang negara


b.) Purwakanthi sastra yaiku purwakanthi sing runtut sastrane (kosonan). Purwakanthi sastra bisa manggon ing wiwitan, tengah, utawa akhir gatra.


Tuladha:
- Kula kataman duh kita (k,t)
- Kalamun sira sarujuk (s,r)
- Swaramu rada serak - serak (s,r)


c.) Purwakanthi basa yaiku purwakanthi sing runtut basabe (tembunge). Purwakanthi basa bisa manggon ing antar frase utawa antar baris.


Tuladha:
-  Yo suraka, surak hore
- Padhang bulan, padhange kaya rina
- Kita bangsa Indonesia wis mardika
  Mardika tahun patang puluh lima
- Sang satriya digdaya linuwih
  Kaluwihane ngedap-edapi


3. Diksi
    Diksi yaiku pamilihe tembung sing mentes. Sing dikarepake yaiku milih tembung sing dibutuhake maksude lan uga kaendahane. Tembung - tembung sing ora perlu (ora efektif) diilangi. Menawa mbutuhake kaendahan tembung bisa disalin tembung liyane sing tegese padha kajaba iku uga bisa digawe susun balik utawa bali swara.